"Вобразная, вольная, пявучая, мова беларуская мая"
Ільняная і жытнёвая. Сялянская.
Баравая ў казачнай красе.
Старажытная. Ты самая славянская.
Светлая, як травы ў расе.
Вобразная, вольная, пявучая,
Мова беларуская мая!
П.Панчанка
Гэтымі словамі П.Панчанкі ў ліцэі пачаўся тыдзень беларускай мовы, літаратуры і культуры. У першы дзень выкладчыца Т.І.Аляксюк арганізавала імпрэзу, дзе распавяла навучэнцам пра паходжанне роднай мовы, яе развіццё і сучасны стан.

