"Вобразная, вольная, пявучая, мова беларуская мая"

Ільняная і жытнёвая. Сялянская. 

Баравая ў казачнай красе.

Старажытная. Ты самая славянская.

Светлая, як травы ў расе. 

Вобразная, вольная, пявучая, 

Мова беларуская мая!

П.Панчанка

Гэтымі словамі П.Панчанкі ў ліцэі пачаўся тыдзень беларускай мовы, літаратуры і культуры. У першы дзень выкладчыкі І.Л.Ерыкава і Т.І.Аляксюк арганізавалі імпрэзу, дзе распавялі навучэнцам пра паходжанне роднай мовы, яе развіццё і сучасны стан.

Усе, хто прысутнічаў, з задавальненнем чыталі хуткамоўкі, рашалі тэсты, выконвалі практыкаванні, глядзелі трэйлеры да вядомых фільмаў на беларускай мове, слухалі сучасныя беларускія песні.

На перапынках дзеці і дарослыя запаўнялі стэнд сваімі любімымі беларускімі словамі.